News

குரு உபதேசம் 4201

முருகப்பெருமானை பூஜித்து ஆசிபெற்றிட்டால் : ஞானத்தலைவர் முருகப்பெருமான்தான் என்று அறிகின்ற மக்களுக்கெல்லாம் ஞானவாழ்வு சித்திக்கும் என்பதை சத்தியமாக அறியலாம்.

சத்தியவான் நந்தனார் தாளிணை போற்றிட

சித்தியும் உண்டாம், திடமாம் வாழ்வு.

ஆற்றலாம் நந்தனார் அருளைப் போற்றிட

ஏற்றமே வாழ்வில் இன்பம் உண்டாம்.

மாசற்ற நந்தனார் மலரடி போற்றவே

ஆசற்ற வாழ்வும் அருளும் உண்டாம்.

வந்தித்தேன் நந்தனாரை வாழ்த்தினேன்

சிந்தித்தேன் சித்தியும் பெற்றேனே.

பாடுபெறும் நந்தனார் பாதம் பணிந்திட

வீடுபேறு உண்டாம் விளம்பு.

ஆற்றலாம் நந்தனார் அருளைப் போற்றவே

கூற்றுவனை வெல்லும் குறிப்பு உணர்த்துமே.

எந்தை நந்தனார் இணையடி போற்றவே

சிந்தையும் தெளியும் திடமாம் சித்தியே.

பணிந்தேன் நந்தனார் பாதமும் பணிந்தேன்

துணிந்தேன் கூற்றுவனை கொல்லவும் துணிந்தேன்.

ஆற்றலாம் நந்தனார் அருளைப் போற்றவே

மாற்றமும் உண்டு மனமும் செம்மையே.